— Ønskjer ikkje bestemor på anbod

Namn: Mette Heidi Bergsvåg Ekrheim
Parti: Senterpartiet
Alder: 55
Sivilstand: Godt gift med Ove, mor til tre gutar, ei svigerdotter og bestemor til eitt barnebarn
Politisk bakgrunn: Tre periodar i formannskapet, to av periodane som gruppeleiar. 1. vara/fast møtande til Fylkestinget i Samferdselskomiteen.

— Kva er den viktigaste saka du vil jobbe med lokalt – og kvifor?

— Samferdsel og infrastruktur. Alt frå nett og mobildekning til gode kollektive trafikktilbod og oppgradering av vegane. Dette er grunnleggjande for at me i distrikta skal få bu, arbeida og driva næring der me vil. Raskt breiband og mobildekning er avgjerande for alle innbyggjarar, frå skuleelevar og eldre til næringsdrivande. Ikkje minst er dette alfa og omega for beredskap, tryggleik og omsorgsteknologi.