Leif Arild Åsheim og Åse Christophersen er pårørande og har foreldre som bur på omsorgssenteret, og Åshild Sævareid er tidlegare tilsett ved Skånevik omsorgssenter. Felles for dei alle er at dei meiner omorganiseringa av heimetenesta i Etne kommune gir dårlegare tilbod til brukarane.
Grethe Hopland Ravn / Fotomontasje: Promineo/Privat
— Omsorga er på veg ut av Etne kommune
Då Etne kommune la om organiseringa av
heimesjukepleie, blei dei tilsette ikkje lenger knytte direkte til Skånevik
eller Etne omsorgssenter. I staden fekk alle tilsette ansvar for heile
kommunen. Målet var ei meir fleksibel og effektiv teneste, der ressursane kunne
nyttast betre på tvers av geografi.
I Skånevik meiner både pårørande og tidlegare
tilsette at konsekvensane har blitt langt meir omfattande enn det som blei
signalisert i forkant.
