Bente Kristiansen og Bente Markhus Åsheim viser den flotte pepparkakebyen som bebuarane i dei bemanna bustadane ved Etne omsorgssenter har laga.
Irene Mæland Haraldsen
Omsorg tek ikkje julefri
Helsepersonell som jobbar i omsorgsyrke må rekna med å vera på
arbeid når andre har fri, og både jul- og nyttårshelga stiller dei opp for å
sikra god pleie til alle som treng ekstra omsorg og hjelp i høgtida. Ved Etne
omsorgssenter går skiftplanen som normalt og dei tilsette gjer sitt beste for
at alle skal få ei fredfylt og koseleg julehelg.
— Me prøver å laga det koseleg
for alle. Me har mykje god mat og julekaker, seier dei tre helsefagarbeidarane
Elisabeth Langeland Sævareid, Tone Stølås og Sorina Markhus som alle jobbar på
Etne omsorgssenter.
Damene jobbar turnus og om
lag kvart fjerde år er det deira tur til å ha vakt i julehelga. Det synes dei
er heilt greitt. Då set dei av litt ekstra tid til ein prat med bebuarane og
kosar seg saman med dei gamle.
