— For å avle fram duer i verdensklasse krevst kløkt og tolmod, seier Svein Harald Vikse i Ølen.
Foto: Anne-Britt Grindheim
Ølen-duer i verdsklasse
Svein Harald Vikse avlar duer i verdsklasse. Han fortel om ein hobby som er både lidenskapleg krev mykje tolmod og kunnskap.
Norsk Tomler» er Noregs nasjonalrase blant raseduer. Duene var frittflygande og klarte seg sjølv fram til klostermunkane mellom anna på Utstein Kloster allereie på 1700-talet, tok seg av dei. Klostermunkane hadde stor innflytelse på duene fram til slutten av 1800-talet då oppdrett og avl kom inn i meir organiserte former og Norsk Racedueforening vart stifta i 1912.
Ein vitenskap
I det ein stig ut av bilen i tunet til Svein Harald Vikse (63) på Nerheim i Ølen, kan ein høyre ei behageleg kurring i hagen. Lyden kjem ifrå dei store fine bura som er heimen til nokre av verdas flottaste raseduer. Der sit dei på vaglet sitt og har panorama utsikt utover Ølsfjorden og bygda. Kvelden er enno ung og solstrålene held framleis varmen i den første haustdagen.
