Vanny Sævareid ønsker fiske- og badeglade turistar velkommen til Kyrping Camping.
Foto: Svein-Erik Larsen
Nyt travelt campingliv
Vanny og resten av familien Sævareid har i fleire tiår tatt imot turistar på Kyrping Camping. I år har handleglade nordmenn gjort sommaren meir hektisk enn nokon gong.
— Starten av sommarsesongen var ganske roleg, men etter at fellesferien starta, auka besøkstala kraftig, spesielt med norske turistar. Nordmenn handlar mykje meir enn tyskarar, så det blei travelt, men kjekt, å drive kiosken og kafeen. I normalsesongar før pandemien var cirka 70 prosent av gjestane tyskarar, men denne sommaren er altså nordmenn den største gruppa.
Lojale stamgjestar
Vanny har eit godt språkøyre, og lærte tysk av å snakke med tyskarar opp gjennom åra på campingplassen. Det har komme godt med i sommar sidan ho har kommunisert med tyskarar som venta på klarsignal for å komme til Noreg i smitterestriksjonane si tid.
