Nyt det gode livet i fjellet

Heilt frå barndomen i Frette har Synnøve vore knytt til fjellet, og kontakten blei ikkje mindre då ho gifta seg med fjellmannen Lars E. Lundal og slo seg ned på Markhus. Nyforlova besøkte ho Larsebu for første gong i 1966, og kvar sommar seinare har hytta vore ein del av livet hennar.

For 15 år sidan fekk ho påvist sjukdommen ME, som gjorde det umogeleg å ta seg opp dei bratte kneikane til fots. Løysinga blei helikoptertransport opp, og lange opphald heilt åleine.

— Eg ser fram til kva sommar. For meg er dette det gode livet. Eg les, strikkar, ruslar litt omkring eller prøver fiskelykka, seier 74-åringen som er fastbuande på Larsebu til ut i august.