Inghart Lasse Tveit har over 28 år administrativ teneste for kyrkja i Vindafjord.
Nils Tokheim
Nyslegen pensjonist fokuserer på Skjold og Sauda
Inghart Lasse Tveit gjekk i fjor av etter over 28 år som kyrkjeverje i Vindafjord. Han var sikker på at han aldri ville finna livet som pensjonist langtekkeleg.
Då han gjekk av på våren i fjor var Inghart Lasse Tveit den lengstsitjande kyrkjeverja i Rogaland. Jobben hadde han hatt i over 28 år.
Han veit mykje om historia bak den noko spesielle jobben som kyrkjeverje, stillinga hans eigen åttedoble tippoldefar hadde i Skjold mellom 1614 og 1616 då bøndene hadde ansvaret nokre år kvar. Hans namn var Anders Mikkelsen Bjerga.
Kunnskap som dette er typisk for Tveit å ha med seg i bagasjen. Det hjalp han då han hadde ansvaret for åtte kyrkjer og fjorten kyrkjegardar i Vindafjord kommune. Dessutan var han sjefen for dei ikkje geisteleg tilsette.
