Styresmaktene meiner barn under 13 år ikkje bør ha tilgang til einingar med internett, utan at vaksne er til stades.
Illustrasjonsfoto: Jan Haas / NTB/ NPK
Nye råd: Vaksne må skjerpe seg – og barn under 13 år bør ikkje vere åleine på nett
Basert på ein høgring og ny forsking tilrår regjeringa at barn under 13 år ikkje bør ha tilgang til internett utan tilsyn. Mobilbruken til vaksne blir trekt fram som problematisk.
– Vi vernar ungane ivrig i det fysiske rommet, men så undervernar vi dei i det digitale, påpeikar barne- og familieminister Lene Vågslid (Ap) overfor NTB.
Ho utdjupar at skal vi sikre ein trygg oppvekst for barn og unge, må vi forstå det livet dei lever i det digitale.
Dei nasjonale skjermråda vart først presenterte i juni i fjor, har vore på høyring og er no oppdaterte med nye punkt.
