Ny kjøtavtale mellom Nortura og Forsvaret

Nortura har vore ein mangeårig leverandør til Forsvaret av raudt kjøt, og vart i januar også ny hovudleverandør av kvitt kjøt og egg.

– Vi er veldig stolte av å kunne levere kjøt til forsvarsstyrkane. Forsvaret har over 16.000 tilsette som treng god og proteinrik mat i teneste. Den nye avtalen styrkjer samarbeidet og gjer Nortura til hovudleverandør innan alle Norturas hovudkategoriar. Forsvaret stiller høge krav til samarbeid og vi er stolte av å ha fått tilliten, seier konsernsjef i Nortura, Anne Marit Panengstuen, i ei pressemelding.