Norsk Rikstoto varslar slutt på epoke – inga travtipping i butikk frå 2028

Det er Norsk Rikstoto som har sett sluttdatoen for norske travspelarars moglegheit til å levere kupongane sine i butikkar og kioskar.

Avgjerda, som er teken etter det som blir beskrive som grundige vurderingar, markerer slutten på ein lang epoke.

– Det er ei avgjerd vi tek med stort vemod. Kommisjonærane våre har vore ein viktig del av Rikstoto i mange år. Dei har vore ansiktet utetter for Norsk Rikstoto i over 40 år. Dei har bygd fellesskap, formidla trav- og galoppglede og gjort spel tilgjengeleg over heile landet, seier administrerande direktør Camilla Garmann.