No kan du starte pengeinnsamling med Vipps

Tysdag rulla Vipps ut ei ny teneste, Vipps-kasse. Det skal gjere det enkelt å starte pengeinnsamlingar.

– Vipps-kasse forenklar innsamlinga, anten målet er ein utanlandstur med vennegjengen, ei gåve til ein kollega, fylle opp klassekassa før sommaravslutning, eller noko heilt anna, seier Elisabeth Myhre, leiar for Menneske og Merkevare i Vipps.

Pengane som blir samla inn, hamnar ikkje på kontoen din, men i Vipps-kassa. Målet med den nye tenesta er å forenkle private innsamlingar, seier Myhre.