Ein dronepilot flyg ein DJI Phantom drone i Oslo.
Foto: Heiko Junge / NTB
No blir det strengare dronereglar
Frå nyttår må alle dronepilotar som har ein drone med kamera eller ein som er tyngre enn 250 gram, registrere seg, skriv
NRK.
Medan ein tidlegare skilde mellom hobbybruk og næringsbruk av dronar, gjeld plikt om registrering no for alle.
Tilsyn
Luftfartstilsynet vil sjå til at alle følger reglane.
– Vi følger opp operatørane gjennom tilsyn etter ein modell vi kallar risikobasert tilsyn. Våre inspektørar kan gjere både melde og umelde tilsyn. I open kategori skal regelverket handhevast av politiet, seier Arild Mortensen, rådgivar for ubemanna luftfart i Luftfartstilsynet, til NRK.
To ulykker
Mortensen fortel at i 2020 har dei fått inn om lag 120 bekymringsmeldingar, ein auke på 43 frå i fjor. Det er registrert to ulykker.
