Nav-skandalen til Høgsterett

Advokaten til dei tre Nav-klientane som gjekk til sak mot staten for å få oppreising stadfestar at dei ankar saka til Høgsterett.

Dei tre saksøkjarane tapte saka mot staten i Borgarting lagmannsrett i slutten av oktober.

Dei hadde alle vorte straffeforfølgde for å ha opphalde seg utanlands medan dei fekk arbeidsavklaringspengar (AAP), ei regeltolking som sidan har vorte funnen å vere feilaktig. To av dei sona fengselsstraff for trygdesvindel. Dei meiner staten har utbetalt for lite i oppreising.