Naturen er viktig for musikken

Det grøne landskapet, den gode dufta av jord og vekst, og lyden av fuglekvitter og bølgjeskvulp, gjer godt for kropp og sjel når Anne Lise Frøkedal kjem heim til Etne på ein kjapp sommarvisitt. Friluftsområdet Olav Vik-stiftelsen er ein av hennar favorittplassar, og her har ho feira bursdagen sin i lag med vener i ei årrekkje allereie. Det er lite som slår ein god venefest, overnatting i telt, bål og god mat.

— Eg er svært glad i naturen, og det pregar også sisteplata mi. Flora har veldig naturfokus, og ein forstår at det handlar om vårt forhold til natur, vår eigen natur, og kanskje einsemda folk kjenner på fordi dei har fjerna seg frå naturen. Flora er forskjellige strategiar for å finna tilbake til det ein har mista, seier Frøkedal.

Imponerte kritikarane