Bensin- og dieselbilistar i distrikta bør sleppe å betale meir i avgift for å fylle tanken, meiner Naf.
Foto: Frederik Ringnes / NTB / NPK
NAF hardt ut mot avgiftsaukane til regjeringa
NPK-NTB: Naf meiner det er uforståeleg at regjeringa i neste års budsjett vil auke dei samla drivstoffavgiftene med 0,07 øre per liter og auke avgifta på å eige elbil.
– Små aukar over tid slår også ut på lommeboka til folk, seier Ingunn Handagard, pressesjef i Naf, i ei pressemelding der organisasjonen ber om at bilistane blir skjerma frå fleire aukar i drivstoffavgiftene.
I forslaget til budsjett for 2025 vil regjeringa auke dei samla avgiftene på bensin og diesel med 0,07 øre per liter. For å vege opp for det vil regjeringa redusere vegbruksavgifta og trafikkforsikringsavgifta på bensin- og dieselbilar.
– År for år har aukane i bensin- og dieselavgifter vore små, men over tid byggjer det seg opp. Vi har enno ikkje sett at regjeringa held løftet frå Hurdalsplattforma om å setje ned avgiftene på bensin og diesel, seier Handagard.
Naf synest vidare det er heilt uforståeleg at avgifta på å eige elbil, trafikkforsikringsavgifta, skal aukast for dei over 750.000 elbilane i Noreg.
– Bilistane treng ikkje fleire avgiftsaukar. Det viktigaste tiltaket for å sikre overgang til ein meir klimavennleg bilpark er at det framleis lønner seg å ha elbil, seier Handagard.
(NPK)
