Illustrasjonsfoto: Paul Kleiven / NTB / NPK
NAF åtvarar mot feil bruk av skiboks før utfartsdagane
Feil pakking av skiboks kan utgjere ein trafikkfare, ifølgje NAF. Dei tilrår å bruke skiboksen berre til lette gjenstandar som ski og soveposar.
NAF åtvarar mot å bruke skiboksen som ekstra bagasjerom i jula. NAFs testar viser at enkelte skiboksar ikkje klarer å halde bagasjen på plass ved ei ulykke, sjølv i låge hastigheiter.
NAF-rådgivar Jan Harry Svendsen understrekar at tunge gjenstandar bør plasserast i bilens bagasjerom, ikkje på taket. Han tilrår å bruke skiboksen til lette gjenstandar som ski og soveposar.
– Dei fleste bilar har ei avgrensing for taklast som ligg i området rundt 75 kilo. Det inkluderer sjølvsagt også vekta av sjølve skiboksen og eventuelle festeanordningar. Så du kan ikkje fylle 75 kilo bagasje i boksen, seier Svendsen.
