Åsmund Kallstveit (f.v.), Rune Bråthen, Ingvar Johannessen og Drude Isene sitt i Motvind Vindafjord i 2024.
ARKIV/SVEIN-ERIK LARSEN
Nådde underskriftsmål på få timar
Berre eit par timar etter at Motvind Vindafjord la ut ein underskriftskampanje om å arrangera ei folkeavstemming om vindkraft, hadde fleire enn dei 184 nødvendige signert. Leiar Rune Bråthen satsar på å ha flest mogleg folk i ryggen når initiativet blir sendt til kommunen.
— Eg ser at innlegget raskt blei delt i sosiale
medium. Det verkar difor som om det har skapt stort engasjement. Me har
allereie fått meldingar om at dette er den rette og mest rettferdige måten å
gjera det på, seier leiar Rune Bråthen i Motvind Vindafjord.
Torsdag kveld publiserte
han eit innbyggjarinitiativ der det blir foreslått følgjande vedtak i
kommunestyret:
«Vindafjord kommune vil
avhalda ei folkeavrøysting over spørsmålet JA eller NEI til landbasert
vindkraft i Vindafjord. Folkeavrøystinga bør avhaldast anten i 2026 eller
seinast i samband med lokalvalet i 2027.»
