Musikalsk reise til Amerika

Skodespelar Helge Jordal frontar ei Musikalsk reise til Amerika» som for tida er ute på vegane. Den profilerte bergensaren har med seg musikarane Berit Håpoldøy og Lars Hammersland. Saman har dei laga det musikalske tilbakeblikket som handlar om tida frå midten av 1800-talet til tidlig 1900-talet då nær éin million nordmenn utvandra til Amerika. 26. september er turen komen til Etne og konsertsalen Pink Cadillac i Old River Saloon.

God ramme

Dei tok sjølv kontakt med Saloonen fordi dei meinte utestaden har den perfekte ramma rundt denne spesielle reisa. Mellom songane fortel Jordal historier om fattigfolk, håp og fortvilelse, indianarar og morosame betraktningar frå dei som lengta heim. Musikken er ei blanding mellom eigenkomponerte songar og eldre viser. Førestellinga har ei herleg blanding av spøk og alvor. Trekløveret har samla fulle hus (med koronareglar) der dei har stått på scenen.