Mister Etnecup» får sommarblomen

— Det er veldig kjekt å få, seier Hans Becker i det han mottar sommarblomen.

I tipset frå ein Grannar-lesar står det blant anna at Hans nyleg blei 75 år og kan verkeleg kallast Mr. Etnecup». Han er eit æresmedlem i idrettslaget, legg tipsaren til. Heilt sidan slutten av 1970-talet har Hans vore med å arrangere Etnecup. Han og nokre fleire byrja med ei lita turnering som har blitt større og større med åra.

— Turneringa hadde lag frå Tyssedal, Odda, Husnes, Skånevik og Ølen. Den var relativt liten, fortel han.