Med praktisk arbeid på timeplanen

Etterspurnaden etter fagfolk innan anlegg-og bergfag er stor og bedrifter over heile landet søkjer lærlingar i dei praktiske faga. På den årlege fagdagen på industriområdet på Knapphus fekk elevar i vidaregåande skule møta lokale bedrifter og testa ut ulike anleggsmaskinar.

— Me er her i dag for å prøva ulike maskinar og snakka med firma om lærlingplassar, seier 17 år gamle Jan Einar Langåker Stava frå Karmøy.

Han går andre året på Ølen vidaregåande skule i faget anleggsteknikk. Den to år gamle linja ved skulen i Ølen har i dag seks elevar og saman med resten av klassen har han tatt turen til Knapphus for å læra og for å sjå kva lokale entreprenørbeddrifter har å tilby.