Elevar ved Ølen vgs. anleggsteknikk. Simen Pettersen, Jan Einar Langåker Stava, Leon Wiland, Sigbjørn Mokleiv, Mathias Kaland og Tobias Helgeland.
Irene Mæland Haraldsen
Med praktisk arbeid på timeplanen
Det blei ein lærerik dag for elevane på Ølen vgs. då dei møtte til fagdag på Knapphus industriområde. Her fekk dei høve til å testa ut ulike anleggsmaskiner og ta ein prat med lokale entreprenørbedrifter.
Etterspurnaden etter fagfolk innan
anlegg-og bergfag er stor og bedrifter over heile landet søkjer lærlingar i dei
praktiske faga. På den årlege fagdagen på industriområdet på Knapphus fekk
elevar i vidaregåande skule møta lokale bedrifter og testa ut ulike
anleggsmaskinar.
— Me er her i dag for å prøva
ulike maskinar og snakka med firma om lærlingplassar, seier 17 år gamle Jan
Einar Langåker Stava frå Karmøy.
Han går andre året på Ølen vidaregåande
skule i faget anleggsteknikk. Den to år gamle linja ved skulen i Ølen har i dag
seks elevar og saman med resten av klassen har han tatt turen til Knapphus for
å læra og for å sjå kva lokale entreprenørbeddrifter har å tilby.
