Formannskapet i Etne fekk orientering frå kommunalsjef og kommunedirektør rundt EBR.
Foto: Grethe Hopland Ravn
Brannberedskap
Måtte svara for mykje
I eit ekstraordninært formannskapsmøte tysdag der orientering om EBR stod på sakslista, måtte administrasjonen svara på mange spørsmål knytt til både EBR og ROS-analyse.
Det har knirka godt i forholdet mellom administrasjon i kommunen og Etne Brann- og redning (EBR) den siste tida. Etter at saka hamna i media kravde Kenneth Karlsen (Frp) at ordførar Mette Heidi Bergsvåg Ekrheim (Sp) kalla inn til ekstraordinært formannskapsmøte for at dei folkevalde skulle få ei orientering om stoda i EBR.
Kommunedirektør Filippo Ballarin og kommunalsjef Åsmund Sekse stod for orienteringa, og starta med ein gjennomgang av kostnadsauken som har vore sidan Etne gjekk ut av Haugaland Brann- og redning (HBR). Å stå på eigne bein kostar, og frå eit budsjett på 5,3 millionar i 2021, er budsjettet for 2024 på 8,5 millionar.
Forskjellig oppfatning
