Matgründer vurderer å selje verksemda

Det har gått 15 år sidan Roy Martin Øyjord så smått starta opp med matproduksjon, og etablerte Skakke foredling som seinare blei omdøypt til Skakke røykeri. I løpet av desse åra har han også tatt fagbrev som kokk, og det som starta med røykelaks, har i dag utvida seg til ei bedrift som lagar både spekelaks, kaldrøykt laks, skakkechips, både varmrøykt- og kaldrøykt aure, gravlaks, bålbacon, grillpølser, karbonader av hjort og hjortepølse. Framleis står den kaldrøykte fisken for over 80 prosent av omsetninga, men det kunne vore annleis om berre Noreg hadde tatt større grep i å leggja ting til rette også for småskalaprodusentar, meiner han.

— Slik det er i dag, er det ikkje noko framtid å selja lokalt produsert mat via daglegvaremarknaden. Dei store kjedene er ikkje interesserte i å ta inn varer frå småprodusentane, og fyller heller hyllene sine med fleire produkt dei sjølv eig. Dermed kan dei også styra heile prosessen sjølv. Då ligg det i korta at det blir enda meir import av varer til billigare innkjøpspris, seier Øyjord.

Hadde gode utsikter