Marit Ystanes blir ny kommunalsjef i Etne

Etne kommune har tilsett Marit Ystanes som ny kommunalsjef for bygd og samfunn. Kommunedirektør Åsmund Andersen Sekse seier ho tidleg peika seg ut blant mange kvalifiserte søkjarar.

– Til stillinga som kommunalsjef for bygd og samfunn fekk me inn eit godt søkjargrunnlag. Marit var ein av dei som skilde seg ut tidleg, både med relevant bakgrunn og den personlegdomstypen me såg etter, seier Sekse.

Han fortel at Ystanes har ein bakgrunn kommunen vurderer som svært interessant, og at dei har stor tru på det ho kan tilføre organisasjonen.