Snart 40 år etter den verste industrielle ulykka i Noreg, ber Stortinget om ny gransking. Alexander L. Kielland-plattforma blei senka i Nedstrandsfjorden etter at den var slept inn til land. Oddvar Engsgjerd har mange sterke minne frå dramaet han opplevde i 1980.
Foto: Knut Vindfallet/Grethe Hopland Ravn
— Mange treng fleire svar
Oddvar Engelsgjerd (80) hugsar framleis dei dramatiske timane ute i havet, då bustadplattforma Alexander L. Kielland kantra og 123 menneske mista livet. 89 overlevde, og for mange av dei har det snart vore 40 år med uvisse.
Han kallar seg heldig, Oddvar Engelsgjerd som tidlegare i år kunne feira sin 80. fødselsdag. Snart har han levd eit halvt liv sidan ulukka som råka Alexander L. Kielland-plattforma på Ekofisk-feltet sør i Nordsjøen, 27. mars 1980, men han hugsar dei dramatiske timane svært godt likevel.
