Mange på tur for betre helse

Med utgangspunkt på Mæland i Etne og stadion i Ølen sette deltakarane på turmarsjen torsdag kursen mot Vaffelhytta på Fikse der dei samlast ut på ettermiddagen. I underkant av 100 personar hadde meldt seg på marsjen som gjekk av stabelen i strålande haustvêr. Vel framme ved Vaffelhytta blei deltakarane servert litt å bita i før dei kunne nyta vakker fiolinmusikk og song frå innvandrarar frå Syria og Sudan. Leiar i Etne og Vindafjord mental helse, Sølvi Eide Lunde, heldt ein gripande appell der ho oppmoda folk til å vera opne om psykisk helse.

— Spør meir» er tema for verdsdagen for psykisk helse i år. Spør meir utan å vera påtrengande, vis interesse for andre og ver nysgjerrig på ein positiv måte. Lytt og still deg open, og ikkje dømmande, slik at du kan bidra til ein god samtale. Å bli møtt, sett og lytta til kan i seg sjølv vera hjelpande, sa Lunde og minna om at alle har behov for å bli sett.

Sjølvmord