Sjeføkonom Kyrre M. Knudsen (t.v.) og banksjef Magne Christiansen i SpareBank 1 Sør-Norge.
ARKIV/SVEIN-ERIK LARSEN
Mange er bekymra for økonomien
Ei undersøking frå SpareBank 1 viser at 31 prosent av rogalendingane seier dei er ganske eller svært uroa for privatøkonomien i 2026. Banksjef Magne Christiansen ved banken sitt kontor i Ølen meiner det er på tide å fjerna tabua rundt økonomi.
— Alle kan hamna i ein situasjon der dei treng
hjelp. Openheit gjer det enklare å be om støtte, og me møter folk i ulike
livssituasjonar kvar dag, seier banksjef Magne Christiansen ved SpareBank 1
Sør-Norge sitt kontor i Ølen i ei pressemelding.
Trur på betre kjøpekraft
Rogalendingane er mest
uroa for auka matvareprisar, noko 49 prosent fryktar. Deretter følgjer
uforutsette utgifter med 37 prosent og auka straumprisar med 27 prosent. 30
prosent er òg redde for å sitja att med lite eller ingenting når rekningane er
betalt, og sjukdom eller uførleik uroar 25 prosent.
