Gründer og administrerande direktør Svein Kvernstuen i batteriselskapet Beyondar opplyste i kommunestyret i Vindafjord om ein tøff tidsplan for å få i gang produksjon i næringsparken i Gismarvik i 2025.
Foto: Jon Edvardsen
Mål om fabrikk om fire år
Etablering av batterifabrikkar i Noreg er eit kappløp om å skaffe kapital og tilstrekkeleg elektrisk kraft. Beyonder har mål om å starte den første produksjonslinja i Tysvær i 2025.
Administrerande direktør og medeigar i Beyonder AS, Svein Kvernstuen, var i kommunestyret i Vindafjord for å informere om batteri-eventyret som kan kome i Haugaland Næringspark i Gismarvik.
Vindafjord er medeigar i parken i Tysvær saman med fire andre kommunar i Nord-Rogaland. Karmøy kommune er klart største eigar med 46 prosent, og Vindafjord har 7,9 prosent av aksjane i parken.
Kommunane overtok som kjent næringsparken frå Haugaland Kraft i 2018 som ei motrekning for lån kommunane hadde til kraftselskapet.
