Det er ikkje mykje igjen av takhellene og listverket etter at lynet slo ned i huset til Astri Stene for snart fire veker sidan.
Foto: Grethe Hopland Ravn
Lynet slo ned
Etter ein god middag sette Astri Stene (73) seg ned i gyngestolen for å slappa av, mens dottera Siv tok oppvasken. Plutseleg og heilt utan forvarsel slo lynet ned som eit bombenedslag.
Det er torsdag kveld og på kalenderen står det 15. januar. Astri Stene i Ølen har fått besøk av dottera Siv som bur på Bornholm i Danmark. Ute er vêret litt rufsete men verken dotter eller mor har registrert torden av noko slag, så derfor hoppar hjarta over både eitt og to slag då det plutseleg brakar laus over hovuda på dei.
— Eg følte eg letta frå gyngestolen eg sat i, og Siv som stå på kjøkkenet, blei kasta bakover. Ho var i ferd med å skru på vasskrana då det smalt, og eg tør ikkje tenkje på kva som kunne skjedd om ho hadde gjort det, seier Stene.
