Lovar full gjennomgang

— Dette var forferdeleg kjedeleg for gjestene. Det skal aldri skje igjen, seier Rune Kringlebotten og lovar å sjå både på rømmingsvegar og brannanlegg før han slepp folk inn i lokalet igjen.

Rundt 1000 billettar var selt til konserten med Tobias Sten laurdag kveld og aldri før har Kringlebotten hatt så mange gjester inne i saloonen.

— Me har hatt maks 600 personar så lenge me har drive. Under konserten med Sten var det rundt 900 personar inne, seier han.