— Endringar skjer over tid, og lokale produkt er i vinden, kan dagleg leiar ved vinmonopola i Ølen og Etne, Gerd Iren Kvamen Clausen, fortelje.
Foto: Anne-Britt Grindheim
Lokale produkt tar seg opp
Handverksøl har vore ein trend som har auka sidan 2010. Lokale produkt er aktuelle, men krev tid og kundens interesse for å behalda sin plass i hyllene.
Nasjonalt selde Vinmonopolet totalt 82,6 millionar vareliter i 2019. Salet auka med 0,7 prosent eller snautt 600.000 liter målt mot 2018. Salet svingar i takt med vêr og årstidene. Lokalt er det stor auke ved utsalet i Etne, ca. 8 prosent, og ein liten nedgang i Ølen.
Vinmonopolet sin visjon
Vinmonopolet sin visjon er å vere ønska av alle, gjennom å tilby Noregs beste kundemøte prega av fagkunnskap, service og ansvarlegheit. Samfunnsoppdraget er det viktigaste verkemiddelet for ansvarleg sal av alkohol. Som organisasjon er målet å vera Noregs beste arbeidsplass.
