1. plass i juniorklassen Even Ø. Rødne (16) frå Etne og 2. plass Sebastian K. Dahlberg (17) frå Ølen.
Lokal siger på Hordastemnet etter nervepirrande omskytingar
Det gjevaste stemnet etter landsskyttarstemnet vart i helga arrangert på skytebanen på Fikse. Fleire lokale ungdommar gjorde det svært bra etter nokre nervepirrande finalar.
I finalen for juniorklassen blei det uavgjort mellom to lokale ungdomar. Sebastian K. Dahlberg (17) og Even Ø. Rødne (16) måtte skyte heile to gonger om igjen for å avgjere kven som stakk av med sigeren.
– Det var mentalt tungt å skulle skyte om igjen så mange gonger, kunne Dahlberg fortelje i etterkant.
På prøveskytinga fekk Dahlberg litt problem med ammunisjon og hadde difor litt høg puls då dei skulle ut å skyte for andre gong.
