Livsprosjektet på Hamrabø

Nærmare 9.000 mål og 40 bygningar. Det er mykje å ta seg av på Børkjenees gard i Suldal.

I gardstunet på Hamrabø, som består av 16 bygningar, trillar robotklipparen rundt og forsyner seg kontinuerleg av det grøne graset. Til garden høyrer det tre stølsplassar med ti bygningar, to naust ved Suldalsvatnet og Vasslivatnet, museum, åtte løer i heiane, eitt sommarfjøs og to kalvehus i buhagen (beitehagen nærmast tunet). Medan naboen paktar jorda, er det Marit og Jarle Tveit som disponerer bygningane, skogen og heia.

Det har gått nokre år sidan Jarle og Marit møttest første gongen. Medan Marit er fødd Berge og vaks opp i Ølensvåg, heldt Jarle til på ein gard i Skjold.