Olaf Edvart Auestad har fått demens-diagnose, men har fått stor hjelp av rett medisin. Måndag var han og kona Anne Lise, på kvelds i lag med fleire andre som enten har diagnosen sjølv, eller er pårørande.
Foto: Grethe Hopland Ravn
Kvelds og demens-fellesskap
Måndag kveld samla fleire seg til kvelds i regi av Vindafjord Demensforeining. Både dei som er diagnostisert med demens og deira pårørande fekk eit sosialt fellesskap med mat, prat og høgtlesing. Leiar i Vindafjord Demensforeining, Berit Hetland, opna samtalen med å informere om ulike aktivitetar og komande arrangement.
Samhald gjennom aktivitetar
Berit Hetland understreka kor viktig det er å skapa møteplassar for både dei som har fått ein demensdiagnose og deira pårørande. I samarbeid med Nasjonalforeningen for folkehelsa, tilbyr foreininga aktivitetar som Gå med oss, Et med oss, Strikk med oss og Syng med oss. På denne måten får deltakarane sjans til å møtast i kvardagslege settingar og dela erfaringar.
