Kortreist påskeferie med bubil

På kaien i Vikedal står bubilane på rekkje og rad. Den populære bubilparkeringa like i sjøkanten lokkar til seg vegfarande både sommar og vinter, og når påskehelga stundar til blir det kamp om plassane. Koronarestriksjonar og smittevernreglar tillet maks 20 bubilar i slengen, og for å finna den rette plassen er det godt å vera tidleg ute.

— Eg kom tidleg onsdag. Det er viktig å treffa gode vener og då treng ein ikkje køyra så langt, seier Solfrid Fjelland frå Ølen som nyt late påskedagar i Vikedal saman med hunden Peggy.

I nabovognene har to vennepar frå Haugesund slått seg ned, og saman kosar dei seg i solskinet.