Forskarar har kartlagt korallrev i Trondheimsfjorden og funne at fiskereiskapar gjer skade på reva.
Foto: Johanna Järnegren/ NINA
Korallar skadde av fiskeri
På djupet i fjordane våre dannar kaldtvasskorallar koloniar på havbotnen. Koloniane er sentrale oppvekst- og leveområde for ulike fiskeartar.
Ei ny kartlegging av korallrev i verneområde i Trondheimsfjorden, viser at sjølv om dei fleste områda har god tilstand, er alle verneområda i større elle mindre grad påverka av fiske.
– Trass i vernestatusen, er fiske og bruk av fiskereiskapar framleis tillate i desse områda. Det fører fleire stadar til at korallane blir skadde, seier seniorforskar ved Norsk institutt for naturforsking (NINA), Johanna Järnegren, til forskingsnettstaden forskning.no.
