Andreas Madsen er klar for konkurranse på rulleski komande laurdag. Det håpar han mange andre også er.Foto: Grethe Hopland RavnBilde 1 av 2
Mens Andreas Knutsen (t.v.) har ansvar for å organisera rulleskøyteløpet, har Magne Christiansen, Asbjørn Moe og Anne Åsheim Stople regien på julemarknaden.
Rundt øyro bles det frisk bris, og temperaturen er fire grader pluss. Likevel kjennest det ut som om vinden smyg seg inn gjennom marg og bein. Det ser ikkje ut til å plaga Andreas Madsen nemneverdig, der han stakar seg oppover Sjoargata i Ølen på rulleski.
Laurdag blir det første rulleskiløpet arrangert for skiinteresserte i alle aldrar, og ein liten test av løypa, stadfestar at forholda ligg til rette for eit greitt løp.
— Det er ikkje fare for klabbeføre i alle fall, seier 21-åringen humoristisk, før han må ta ein liten kunstnarpause grunna ein ryggjande bil.
