Varaordførar Andreas Grumheden står på talarstolen, og legg fram forslag om å utsetja søknadsfristen for sommar-SFO frå 1. januar til 1. mai.
Grethe Hopland Ravn
Knapp votering gav nye SFO-vedtekter
Etne kommunestyre vedtok tysdag nye vedtekter for skulefritidsordninga. Utsetjingsforslaget frå Frp fall med éi stemme før fleirtalet stemte for kommunedirektøren sitt framlegg, supplert med endringar i søknadsfristar og opning for ferie-SFO i juli.
Det siste kommunestyremøtet før jul blei halde
tysdag 9. desember på Skånevik Fjordhotell sidan Etne tinghus er under
renovering, og møta i denne perioden ikkje blir streama. Saka om endring av
vedtekter for skulefritidsordninga (SFO) var ført opp som sak 067/25 og kom til
endeleg behandling etter å ha vore gjennom fleire politiske instansar i
november, mellom anna Råd for menneske med nedsett funksjonsevne, Ungdomsrådet
og Hovudutvalet for oppvekst og kultur .
Kommunedirektøren sitt framlegg
