Nesten 900 hundar er venta til utstillinga. Her får utstillinga i 2024.
Arkivfoto: Svein-Erik LarsenFOTO: Svein-Erik Larsen
Klart for ny hundeutstilling
Til helga er det igjen duka for hundeutstilling på Skakke i Etne. Denne gong med like under 900 hundar på deltakarlista.
— For å vera ei utstilling organisert av ein enkelt klubb er det ei imponerande påmelding. Det kjem folk frå Trøndelag og sørover. 10 rasegrupper stiller ut og dei ulike gruppene er fordelt mellom laurdag og søndag, seier Ingrid Ohm i utstillingskomiteen.
Arrangøren Etne, Ølen og Vindafjord Hundeklubb har lang erfaring som vertskap for hundeutstilling, og årets samling er nummer 35 i rekkja. Talet på utstillarar har auka jamt og trutt med åra. Mange av utstillarane har vore med i fleire tiår og nye har kome til.
— Det har tatt seg opp med deltakarar, seier ho.
