Det blir lagt til rette for båltenning på Osnes laurdag. Her frå ein aktivitetsdag i 2022. Arkivfoto
Klart for friluftskos
— Dette er eit lågterskeltilbod for dei som ikkje ønskjer å delta på fellesarrangement, seier natur- og friluftsvegleiar Rune Westre i Friluftsrådet Vest om deira arrangement på Osnes, Gardavika og Likvik.
Friluftsrådet Vest driv og forvaltar 118 friluftsområde i 13 medlemskommunar. På si nettside skriv rådet at dei i samband med Heile Noreg bålar vil legge ut vedsekkar på utvalde friluftsområde i alle desse kommunane.
— Me oppmodar deg til å besøke éitt av desse områda i løpet av 18. januar. Du er sjølvsagt velkomen til å lage bål på våre andre friluftsområde òg, men då må du sørgje for ved sjølv, skriv rådet.
