NPK-NTB: Kommunestyret i Sveio i Sunnhordland vedtok måndag at dei vil halde folkeavstemming om kva fylke kommunen skal liggje i.
Spørsmålet innbyggjarane skal ta stilling til er om Sveio skal bli verande i Vestland fylke eller melde overgang til Rogaland, melder Bergens Tidende.
Sveio, som ligg nord for Haugesund, har nesten 6.000 innbyggjarar og er den sørlegaste kommunen i Vestland fylke. Kommunen har berre fastlandsgrense til Rogaland.
Folkeavstemminga skal gå av stabelen 10. januar 2022.
