Klargjort for sal

SBetongfabrikken til entreprenørselskapet NCC på Tongane i Etne blei lagt ned like før jul i 2022. Sidan den gong har selskapet arbeidd med rydding, riving og klargjering av tomta, og nå ligg alt til rette for nye eigarar som kan tenkja seg ei industritomt med sjølinje og kai like ved E134.

— Nå er tomta klargjort og lagt ut for sal, opplyser Tor Heimdahl i NCC Norge.

Meklarhuset Rele har fått oppgåva med å selja industrieigedomen med sjølinje og kai. Verditaksten er sett 18,1 millionar kroner. Eigedomen er på 17.360 m2 planert tomteareal med betongkai på 20 meter. I salet inngår også lagerbygg med tilhøyrande kontor, open overbygd rubbhall og open lagerhall.