Dei raude strekane på kartet viser kva vegar i Vestland fylke som ikkje toler meir enn ti tonn akseltrykk. Stian Skarheim Magelssen er uroa over eit forslag om å stenge desse vegane for tungtransport som veg meir enn dette.
Skjermdump Vestland fylkeskommune/arkiv
Føreslår å stenga vegar for tungtransport: — Kan risikere at heile Skånevik og Litledalen blir stengd
Eit forslag om å redusera aksellasta på fleire fylkesvegar kan føra til at viktige samband i Etne blir stengde for tungtransport over ti tonn.
Dagleg leiar i Fikse Næringsforening, Stian Skarheim Magelssen, reagerte sterkt då han såg kartet over vegane det gjeld.
— Det er eit ekstremt varsku når du ser kor mange vegar det gjeld i heile Vestland, seier han, og legg til at han enno ikkje har tort å sjå korleis tilstanden er for vegane i Rogaland fylke.
