Vindafjord kommune har lager med jod i tilfelle ein krisesituasjon i alle barnehagar og skular i kommunen. Her i Ølensjøen.
Arkivfoto: Jon Edvardsen
Klare til å dele ut jod på kort varsel
Dette melder kommunen på sine nettsider onsdag.
Kommunen har beredskapslager av jod i alle barnehagar, grunnskular og vidaregåande skular i kommunen. I tillegg har helsestasjonen eit lager som skal sikre jod til alle gravide, og ammande med spedborn.
Dersom det oppstår ein situasjon der radioaktivt nedfall rammar Noreg, vil inntak av rein jod kunne hindre opptak av radioaktivt jod i skjoldbrukskjertelen hos unge menneske. Dette reduserer sjansen for utvikling av kreft i skjoldbrukskjertelen.
