Dagleg leiar Janne Larsen Sævareid har stort fokus på å unngå matsvinn på Larsen Bakeri i Skånevik.
Arkivfoto: Grethe Hopland Ravn
Kastar ingenting
Larsen Bakeri blir heidra på baksida av Q-mjølk-kartongane for sin innsats mot matsvinn. Hos bakeriet i Skånevik går ikkje eit einaste brød i bosset.
— Dette er stor stas. Det er veldig kjekt å bli lagt merke til for jobben me gjer, seier dagleg leiar Janne Larsen Sævareid.
På sine vårkartongar har Q delt ut meir enn 30 Matredderprisar, der dei feirar aktørar som gjer ein forskjell og inspirerer andre. På kartongen skriv dei at Larsen Bakeri har blitt eit førebilete innan matsvinn, og at dei gjer brød til berekraft.
— Med kreative løysingar som sal av bakarvarer etter stengetid, sørgjer dei for at ingenting går til spille. På denne måten reddar dei tonnevis av mat kvart år – og motiverer andre til å tenkja nytt. Difor har dei fått Q Matredderprisen, skriv Q-Meieriene.
