Tiltaka frå vegvesenet kan bidra til å spare opp mot 5,4 milliardar kroner.
Foto: Jørund Hessevik / NPK
Kan spare milliardar på nye tunnelar
Ei ekspertgruppe i Statens vegvesen meiner det er mogleg å spare om lag 5,4 milliardar kroner ved å bygge tunnelar på ein enklare, men fullgod måte, på 20 riksvegstrekningar, skriv vegvesenet i ei pressemelding.
Ekspertgruppa har sett på tunnelane på dei 20 vegprosjekta som ligg inne på prioriteringslista til Statens vegvesen. Dette er prosjekt som kostar meir enn ein milliard kroner. Totalt skal det byggjast 166 kilometer ny tunnel på desse strekningane.
Vegvesenet meiner det er mogleg å bygge tunnelar på ein enklare, men likevel fullgod, måte. Ifølgje dei vil fleire av desse tiltaka òg gjere det enklare å drifte tunnelane, og halde dei ved like.
