Kallar inn til ekstraordinært formannskapsmøte

Måndag bad ordførar Mette Heidi Bergsvåg Ekrheim (Sp) om at det blir sendt ut innkalling til ekstraordinært formannskapsmøte tysdag 5. mars klokka 16.30 på tinghuset i Etne. Ho ber samstundes om at det blir opplyst i innkallinga at det kan bli aktuelt å utsetja møtet til måndag 13. mars på kort varsel.

Det er to saker på sakskartet til møtet, og ei av sakene er orientering om Etne brann- og redning (EBR).

Bakgrunnen for at Kenneth Karlsen kravde ekstraordinært formannskapsmøte i sist veke, var Grannar si sak om EBR, der han slår fast at det er svært ulik situasjonsforståing mellom eininga og leiinga i kommunen. Som folkevalt meinte han derfor at dei no trong å få tilstrekkeleg innsikt i situasjonen rundt EBR.