Joakim Berge får gratis utdanning til byggmeister.
Arkivfoto: Jon Edvardsen
Joakim (19) har snikra seg til NM
Joakim Berge (19) tar utfordringa og skal representere Rogaland i NM for lærlingar i byggfaget. — Eg synest det er kjekt å få denne sjansen til å samanlikne seg med lærlingar i resten av landet, seier han.
Ølensbuen er lansert av Bygg Opp Rogaland for å representere i Yrkes-NM for byggfag, og han er seinare plukka ut av bransjeforeininga for bygg og anlegg til å delta for Rogaland.
Tevlinga World Skills for yrkesfag er for lærlingar og unge fagarbeidarar, og har også EM og VM for dei som når dit.
— Eg håpar det blir lærerikt og ein forprøve for fagbrevet eg skal ta neste år, seier Joakim Berge.
