Inviterer til namnekonkurranse
Komiteen som skal ta seg av forslaga som kjem inn består av tre medlemmer, rådgjevar kultur og idrett i Vindafjord kommune Norunn Helland frå Ølen, styreleiar i Vindafjordhallen Janne Aursland frå Vats og kommunalsjef samfunn og utvikling i Vindafjord kommune Halfdan Kron Brekke frå Haugesund.
Det er definert fleire kriteriar for namneval: Namnet skal vera estetisk tiltalande. Namnet bør vera inkluderande og ikkje skapa konflikt eller vera splittande. Det skal vera lett å uttala og forstå både av lokalbefolkning og besøkjande, og det skal vera beskrivande og funksjonelt og kan gjerne gje ein indikasjon på byggets funksjon slik at det gjer det enklare for folk å forstå bygget sitt formål.
Deltakarane kan enten senda inn forslag i posten eller nytta seg av Qr-koden som vil bli å finna på kommunen si heimeside.
