Inviterer til felles fyrverkeri

— I fjor skaut eg opp ved idrettshallen, men i år har eg fått avtale med Skånevik Fjordhotel om å låna deler av hotelltomta, seier Anders Maage Langelandsvik.

Anders er busett i Skjoldastraumen, men når nyttårsfeiringa står for tur set han kursen mot Skånevik for å helsa på svigerfamilien, og dei siste tre åra har han kombinert familiebesøk med oppskyting av fyrverkeri til glede for både fastbuande og hyttefolk. Med over ti år som fyrverkeriseljar veit han godt kva som må til for å laga ei trygg og god ramme rundt oppskytinga og når klokka nærmar seg midnatt håpar han flest mogleg vil finna vegen til sentrum for å bli med på nyttårsfeiringa.

Fyrverkeriet blir i hovudsak finansiert gjennom bidrag frå bygdefolk og bedrifter, men skulle det mangla nokre kroner for å få til ei spektakulært førestilling spyttar han villig inn resten.