Inviterer bygda til møte om biogass

Dette opplyser Vindafjord kommune på si nettside.

23. oktober 2025 sende Arkipelet AS varsel om oppstart av detaljreguleringsarbeid for etablering av eit biogassanlegg på Nerheim næringsområde i Ølen, på vegner av Biovind AS. Same dag blei det halde eit oppstartsmøte med kommunen. Det kom totalt 55 innspel til oppstartsvarselet, fordelt på åtte frå offentlege instansar og 47 frå naboar, innbyggjarar, grendeutval og private verksemder.

Føremålet med planendringa er å konkretisera arealbruk for delar av Nerheim næringsområde, for etablering av eit biogassanlegg som skal handtera inntil 226 000 tonn biomasse årleg.